زوجة لمحكمة الأسرة: "زوجي مش راضي يجيب زيت"

وقفت السيدة الأربعينية أمام محكمة الأسرة بالكيت كات وهي تندب حياتها بسبب الغلاء الذي يسود في مصر وارتفاع السلع والمواد الغذائية وفي المقابل لا يوجد زيادة في الأجور خاصة بأن زوجها يعمل في القطاع الخاص ولا يبحث عن عمل آخر متحججًا بأنه لا يوجد عمل وراتبه الآن لا يكفي متطلبات المنزل. 

تحدثت الزوجة في دعواها أمام المحكمة قائلة.. "جوزي مش راضي يجيب زيت في البيت علشان الكيلو وصل لـ 60 جنيه ومستلزمات البيت التانية علشان كل حاجة سعرها زاد بيجيب كل حاجة بصعوبة وانا مش عارفه أعمل أيه هو بيشتغل في مصنع لغاية الساع 4 بس المرتب مبقيش جايب همه مع طلبات البيت". 

وأضافت الزوجة للمحكمة قائلة.. "طلبت من جوزي انه ينزل يشتغل أي شغلانه تانية أخر النهار زي ما الناس ما بتعمل بس هو رافض وبيقول ان مفيش شغل هو كان شايل فلوس في البنك لوقت زنقه طلبت منه انه يسحبهم ونعمل بيهم مشروع برضو رافض وانا مش عارفه أعمل أيه مش راضي يجيب متطلبات البيت ومعيشنا أنا وبنتنا وولدنا في حالة تقشف خالص أهلي قالولي سيبيله أولاده وتعالي عيشي في بيت أهلك معززة مكرمة  أعمل أيه؟".